Sñiawhun u Wailadmiki yei pynkhreh ya ka National Games

Ka jylla Meghalaya da pynkhreh ko wow pdiang ya ka 39th National Games ha u 2027 heiwa u Montri ka chnat Sports and Youth Affairs, u Wailadmiki Shylla da pyntip u wa i pynkhreh da man iwa lai bait heiwa da booddien yeini chirup wa u Deputy Chief Minister uwa man leh u Montri ka chnat Urban Affairs, u Sniawbhalang Dhar.

U Wailadmiki da ong u wa sñiawhun u yei pynkhreh ya ki thaw sah wa ki thaw yalehke wa daw pynman ha kylleiñ ka jylla. 

Da ong u wa i pynkhreh ha JN Complex, Shillong wa PA Sangma Stadium Tura da man iwa lai bait chaaid chaaid. 

Related posts

Hei sien wa nyngong tyrwa dai lilam ya ka lieñsuiñ wa chah kem

July 3, 2026

Pyndam ka KHADC ya ka License wow pynbia bru u Rev. Macdonald Pynrope

July 3, 2026

Heiyatoh wa ki thaw sah, u Wailadmiki da ong u wa boi ym emkaam ya ki Games Village neibhah wa da em ki Hotel wa ki Homestay.

Chooh chooh da pyntip u wa u Montri ka chnat Sports ka ri da kyrpaad u ya kiwi ki jylla wow pynman ki ya ki yalehke ha ki wei ka sorkar jylla leh da pdiang ko yeini wow pynman ya ki yalehke ha kiwi ki jylla ka North East khnang wa ki leh u embynta ki.