Heiyatoh wa i sñiawkhia ki paidbah yei pynemkaam Siren wa ki rukom synraan ya ki VIP wa ki bru wa heh kyrdan, neiliang u Montri Rangbah ka jylla, u Conrad Sangma da ong u wa ka sorkar da phah ko wow pait ya ki kyndon pynkemkaam Siren yow pyntikna wym em wa chim kabu deiwa pynemkaam Siren wa kiwi ki jait wa pynthaba wei ka chnat pulit dang pynkhreh ko ya ki kyndon wa thymme.
Da ong u leh wa kitu kiwa em hapoh ka Z-Category wa kiwi ki jait da hap wow bood ya ki kyndon wow yada ya ki nadooh kiwa man kam ki Chief Minister kamjooh ki heh ka sorkar pyrdi tangwa iwa emkaam toh wow pynyaphær yeiwa emkaam u yada wa kitu kiwa pynemkaam bakla yei bor.
“Nga hawa lai luti O, pynduna bha O yei pynemkaam Siren wei boon ki por ym jooh pynemkaam i,” da ong u Conrad deiwa pynrap wa hawa wan ki VIP da pynemkaam Siren lada jia wym lait de u lai neidaw wa joor sahkut tangwa em hi ki por wa lada pynkieh katwa pynkieh leh lada ym lait mut ym lait.
Da pdiang u leh wa ye u em kiwa pynemkaam bakla yei bor ki khlem da em ki daw wa biang du wow pynyoo bor donhi wei ka sorkar dang yaleh ko wow pait wym em wa leh kamni kiwa pynkieh Siren du wow leh khyllew.
Chooh chooh da ong u wa hap wow pyrkhat neibynta ki paidbah wym chah ktah ki wei toh u man ki kiwa chngaaiñ wym cha pyndik wei oo leh pyrkhat bha u yeini hawa lai wa wan u.
Da pynkut u deiwa ong wa ka sorkar chimkia ko yeini wei da phah wow pait deiwi ya ki kyndon namo ki VIP Security Protocol deiwa pait ya waroh ki aiñ ka jylla kamjooh ka sorkar pyrdi. “Daw rap chimpor u leh yeni tangwa toh iwa chimkhia wei iwa emkaam bha ya nga neibhah kwah i wym chah pyndik ki paidbah kamjooh leh wow khanglaad ya kitu kiwa chim kabu yei bor ki,” da ong u.
Discussion about this post