U Montri wa pait ya ka chnat i chait i khiah, u James PK Sangma da pdiang u wa em i wym bood ya ki kyndon yada COVID-19 ha ki yalang paidbah kiwa da pynman ha ki sngi wa da dep, tangwa da kyntu biang u ya ki paidbah wym toh u lehstiñ neibhah ym tip chwa ya iyi wow wan, heiwa da pynrap wa ki paidbah toh u bood ryntih ya ki kyndon wa da phah da ka chnat kamwa da booh neibhah wa ki kyndon yarap ki wow kdoh u khoom yei poor u khñiang khlam.
Hawa kylli, da ong u wa ym em wa ye u batai mynnu i yabi u khñiang u kut i, deiwa pynrap wa ka chnat i chait i khiah katni ka kreh chitom ko wow pynsñiawthooh cha ki paidbah yei emkaam wow chim pura ya i tika yow yada na u COVID-19.
U Montri da ong chooh chooh u wa ka sorkar ka man ko kawa da pynkhreh yei sumaar wa ki thaw thiah lada em ki bru kiwa chitom joor biang nei chah ktah ha u COVID-19.
U James da ong u leh wa ka sorkar wa ka chnat i chait i khiah da paitbniah bha ki yei long i man ka jylla na u khñiang COVID-19 wei da pynkhreh leh lada ka la-ær wa le namo ka Third Wave yong u ka khlam u wan ko.
