Jowai: U PRO ka Northeast Frontier (NF) Railway da pyntip u wa ynne i miet heipor 7 waje ha ka Train wa em ya u Number 15815 wa tip kam ka Kamakhya-Dekargaon Intercity Express da pdung u bom wa tlot bor.
Ini da jia i heipor wa kani ka Train dang psiah ko chapoh ka Haringa Station, Udalguri District kawa em ha i bynta ka Rangiya-Dekargaon, Assam ka NF Railway.
Ini i thaw wa jia toh iwa jngai 50 Km na Rangiya wa 90 Km na Guwahati, Assam iwa em harood ka wah Brahmaputra.
Le ngut kiwa em hapoh kani ka Train da mynsoo malu mala kiwa chong hapoh ka General Second Class Coach wei da sumaar ya ki da ki Railway Doctor ka Harisinga.
Ar ngut na ki da yoh ki u liwan yung wei ym em pynthut ko yei lai i wan ki Train neidaw wa da em saar tylli ki luti rel wow lai.
Ka Train leh ym em chah ktah joor ko wei man ko kawa dang ye hi u lai luti wei da wan ki pulit wow pynman ya ka takit wei da ong ki wa ym pu tikna wa toh u bom namo wa pdung donhi i bordiñ hapoh ka Train.
Kiwa mynsoo kiwa da tip pyrtuid toh u Nabajit Das wa u Khiroda Bora.
Discussion about this post