U loom-diñ wa samen ka ri India uwa em ha Barren Island ka Andaman and Nicobar da pdung u ar sien ha kani ka tayaaw iwa da pynkhih ya ki mooslait-pohkhyndaw namo ki Techtonic Plate.
I pdung khian da sdang i ha ka 13 tarik wei da bood won ha ka 20 tarik uni u bnai.
Uni u loom-diñ wa jngai 140 km na mihsngi ka Port Blair da khai diñ u khaddooh ha u 2017 heiwa ki yukheiñ nyngkong da khlai diñ u ha u 1787.
Da yap thiah u da ki phaw snem nadooh u 1991 heiwa da sdang biang u wow pdung ha u 2005, 2017, 2022 wa ha uni u Naikhynde 2025.
Ha ka 20 tarik uni u bnai chwa i pdung da em chwa u khmi wa khlanbor 4.2 ar sngi chwa ha ka 18 tarik.
Ka Barren Island jrong ko 3.2 km wei ym em wa chong næ sah ha ka wei jrong i kyndian ko 2 km na tre duriaw (Sea floor).
Ka Geological Survey of India wa ka National Centre for Seismology da pait sylli bniah bha ki yeini da ki Satellite.
Yeini wa pdung da yoh wow riñ da kiwa em ha ka lieñ ka Indian Navy.
Discussion about this post