Phah Drone ka Pakistan cha 26 tylli ki thaw wa em ha India wei da sdang pyntia ya ki chipai chakhmat

Ka Pakistan da pteiñ ko wow phah da ki Drone, ki UCAV, i pynemkaam da ki Long Range Weapon, Loitering Munitions deilang ki Jet neiliang u pood na sepsngi ka ri dei thmu wow siat ya ki chnong ki bru kamjooh ki thaw wa em ki chipai.

Ha ki bynta u Line of Control leh da pteiñ hi ka Pakistan wow siat deiwa pynemkaam da ki Heavy Caliber Weapons.

Neiliang ka India da ye ko wow sait ya kini, tangwa em hi ki Indian Air Force Station kamjooh ki chipai kiwa chah ktah deilang ki Air Base wa em ha Punjab.

Ka Pakistan da siat ko leh ya ki thaw paidbah kam ka Medicare wa ka skur wa em ha Air Base ha Srinagar, Avantipora wa Udhampur.

Related posts

Da phah khang ya 32 tylli ki Airport wa em ha India

May 10, 2025

Siat ka Pakistan ya ka Temple deilang ki yung ki sem ki bru

May 10, 2025

Ka India hawa jubab yeini da siat ko ya ki thaw wa em ki chipai ka Pakistan kam ki Technical Infrastructure, Command & Control Centre, Radar Sites wa ki thaw booh tiar yaleh thma. Ki thaw wa da siat ka India da ki Long Range Weapon wa siat na ki Jet toh ha Rafiqui, Murid, Chaklala, Rahmi Yar Khan, Sukkur wa Sunia.

Ya ki thaw wa em Radar ha Pasrur wa ka Aviation Base ha Sialkot leh da siat ki da ka India.

Ka Pakistan da pteiñ ko leh wow pynpoor ya ki khubor thok deiwa kam wa da ye ki wow siat tympra ya ki S-400 System ka India wa em ha Adampur, ka Air Field ha Suratgar wa Sirsa, ka Brahmos Base ha Nagrota, ki Anti Guns Position wa em ha Derangiari wa ya ka Chandigarh Forward Ammunition Depot wei ya kini waroh da pynpoor ha ki Social Media heiwa ka India da kyntait ko yeini deiwa pynoo leh ya ki dur wa da chon ynne ka sngi wym em jia iyi iyi ya kini ki thaw.

Ka India da pyntip ko leh wa ka Pakistan da sdang ko wow pyntia ya ki chipai ko chakhmat iwa pynyoo wa kwah ki wow pynjoor yeini i kynaad.

Hajrong ini ka India da ong ko wa iwa leh ko toh du wow jubab yeiwa leh ka Pakistan wei ym em kwah ki wow pynjoor yeini lada ka Pakistan sñiawthooh ko yeini.     

Waroh ki thaw wa da yoo ya ki Drone ka Pakistan em 26 tylli wa kyntup ya ka Baramulla, Srinagar, Avantipora, Nagrota, Jammu, Ferozpur, Pathankot, Fazilka, Lalgarh Jatta, Jaisalmer, Barmer, Bhuj, Kuarbet wa Lakhi Nala.