Ki chipai ka Indian Air Force (IAF) ynne ka sngi da phah ko ya ki lieñsuiñ niangkachiah (Helicopter) Mi-17V5 kawa em ya ka Bambi Bucket cha Manipur wow yarap tympleh ya i diñ ha i khloo Dzukou Valley iwa em ha khappood ka Manipur wa Nagaland.
Ini i leh ka IAF wan i hadien wa paan yarap ka sorkar Manipur na kani ka chnat chipai wow yarap tympleh ya i diñ.
Da suba wa ini i diñ da sdang i naliang Nagaland kamwa 2-3 sngi chwa wei da poor i cha ka i khloo wa em ha Manipur.
Ynne ka sngi u montri rangbah ka Manipur, u Biren Siingh da lai pait u ya ini i iñ khnang wow tip che hadooh katwon joor i.
Neiliang ki pulit tympleh diñ ka Manipur, kiwa kreh ka chnat Forest wa kiwi kiwi da lai ki cha ini i thaw wow tympleh ya i diñ.
