Ka Committee wa thung da ka Meghalaya High Court wa da khlieh da u Justice (Retd) B.P. Katakey da phah ko ya ka sorkar jylla wow tympra ya ki 33 tylli ki karkhana Coke ha West Khasi Hills wa East Jaiñtia Hills.
Katkam ka bui wa tip kam ka 32nd Interim Report wa da e kti da ka Committee, da ong wa hanla ym em tymplæh ya ki karkhana Coke hadooh kini ki sngi, da chem wa em 16 tylli ki karkhana Coke ha East Jaiñtia Hills wa 17 tylli ha West Khasi Hills ki wym em bood ya ki kyndon wa da booh da ka Supreme Court ka ri heiwa ha ka bui da ong wa da emkaam emkaam wow tympra ki wei lada ym leh yeini daw pteiñ i pynchlur yei pynemkaam ya u mooyong wa da tih tooh.
Kani ka hukum toh katkam ka hukum ka Supreme Court wa da pynmih ha ka 25 tarik u November 2024, wa da phah wow tympra noh ya kini ki karkhana Coke.
Neiliang ka Meghalaya State Pollution Control Board (MSPCB) da pyntip ko ya ka Committee wa em 9 tylli ki karkhana ki wym krehkaam ha West Khasi Hills katwa 17 tylli da sangeh ki wow krehkaam.
Ka MSPCB da pyntikna ko wa kini ki karkhana Coke wa em ha East Jaiñtia Hills wa West Khasi Hills ym em bood ki ya ki kyndon.
Ka MSPCB da pyntip ko cha ka Committee lyngba u Member Secretary wa em leh 9 tylli ki Coke Oven Plant ha West Khasi Hills ki wym em yoh bor wow chna wei ki 17 tylli kiwa da em ymtoh kiwa krehkaam katwa ha East Jaiñtia Hills ym em ki Coke Oven Plant wa krehkaam pyrchah ya ka aiñ.
Ka Committee da phah ko ya ka MSPCB wow pynsangeh yei sdang ki karkhana thymme deiwa pynman i sylli man ka le bnai wei da phah ya ka Board wa ka sorkar u e ko ya ka bui wa da pynkrehkaam yeini hapoh chi tayaaw, heiwa ka MSPCB wa ka Mining and Geology Department toh u e ki ya ka bui man ka le bnai.
Discussion about this post