Ynne ka sngi da em 8 ngut wa yap wa 14 ngut wa mynsoo hadien wa kawi ka rel kit bru da yatyrrah ko wa ka rel kit mar hajan Bilaspur Station ha Chhattisgarh.
Ini i yatyrrah da jia i heipor 4:00 waje i janmiet hadien wa ka rel MEMU (Mainline Electric Multiple Unit) wa kit bru na Gevra ha Korba District kawa lai cha Bilaspur da tyrrah ko ya ka rel kit mar nadien.
U Collector ka Bilaspur, u Sanjay Agrawal da pyntikna u wa da chah ban san ngut ki bru hapoh kawi na ki daba ka rel iwa da pynman ya ki pulit wa kiwi wow hiar yarap ki cha ini i thaw.
Ya kiwa mynsoo da kit wut-wut cha ki hospital.
Ini i yatyrrah da jia i hapyrdi ka Gatora wa Bilaspur Railway Station, iwa man i bybta wa khynñia bha ka South East Central Railway Zone.
Hadooh wa pynmih ya kani ka khubor ymtip neiyi i daw wa jia ini i yatyrrah neibhah wa dang yaleh u pynlait ya kiwa emkaam yarap wei da thut i lai i wan ki rel na kani ka luti.
Ini i ya tyrrah toh iwa joor bha hadooh wa ka rel wa kit bru da ku ko hajrong ka rel wa kit mar.
Discussion about this post