Shillong: Ynne ka sngi ka yung bichaar Meghalaya High Court (HC) da chong bichaar ko hajrong ka mukotduma wa yatoh wa ki Weighbridge ya kawa ujor da u Gavin M. Mylliem.
Ka yung bichaar da ong ko wa katkam ka hukum ka Supreme Court ha ka 06.11.2015 kat wympu em ka aiñ wa chna ka sorkar hajrong katwon tylli ki Integrated Check-point wow em hapoh jylla, ki weighbridge kiwa da em chwa (sorkar wa bru samen) toh u pteiñ ki u krehkaam. Wei da pynrap wa u Chief Secretary ka jylla wow rai wa hadooh katwon tylli emkaam ya kam kini ki Integrated Check-point hapoh jylla.
Da rai leh ynne wa ka sorkar u khut tender ko du hadien wa u Chief Secretary da rai u hadooh katwon tylli wow em kini ki Integrated Check-point wei neiliang u muktiar ka sorkar jylla da pyntip u wa ym slem de ka sorkar daw booh ko ya ka aiñ hajrong ini.
Ka HC da ong ko leh wa ya ki tender ye u khut du hadien wa da em kani ka aiñ krehkaam.
Heijooh i por da chah ya ka weighbridge wa em ha Umling wow pteiñ ko u krehkaam kamwa jooh.
Discussion about this post