Ka mukotduma PIL wa em ha ka Meghalaya High Court yow pynheh ya ka Umroi Airport da chong bichaar biang ka heiwa ka Airports Authority of India (AAI) da pyntip ko wa ka sorkar jylla da ya pynbait ko waka Ministry of Civil Aviation yow pynman ya ka sorjamin wa bniah ya ka thaw wa em soodong ka Umroi Airport yow sñiawthooh hadooh katwon u ye u pynheh ya kani ka Airport.
I thmu toh wow ye u hiar ki lieñsuiñ wa heh wa kmai ym du kiwa katni ki ATR wa ki Bombardier donhi kiwa ye u krehkaam na kani ka Airport.
Katkam wa ong ka AAI, ka LiDAR (Light Detection and Ranging) Survey daw hap phah leh cha kiwi ki Company wei ka AAI dang pait ko yeini cheiyi u e.
Ka yung bichaar da ong ko wa ini toh iwa bha wei ka sorkar jylla leh da klam che ko wa kwah ko sa kawi ka Airport næ da ka Airport wa heh yow pynyoh leh ya ka International Airport hapoh ka jylla.
Ka High Court da kyrmen ko wa waroh kiwa emkti ha ini i kaam daw ye ki wow leh smat yei kaam ki deiwa pynyoh leh yei stat katkam ka juk wa katni ha kani ka Airport yow pynyabi ya ka Meghalaya wa kiwi ki ri kamjooh leh wow pynlait yei pynsepai por wow lai na Guwahati cha Shillong deiwa yoh da ka Airport wa biang pyn ha Shillong.
Da chong bichaar biang ya kani ka mukotduma ha u Naichiphaw.
Discussion about this post