Ka seiñ Jaiñtia National Council-Nongkhlieh Circle, ynne da e dorkhat ko ha ka MLA ka thaaiñ ka Santa Mary Shylla yow wanrah ya ki kaam pynroi hapoh ka Elaka Nongkhlieh kawa da man kawa sahdien bha.
Ka seiñ da dawa ko wow chna sarok na Moolasngi cha Daistong neibhah ki chnong wa em cha kdong cha chmiang da chah ah lut ki heipor wa joor slap hadooh wa da chem chitom wow lai cha ki thaw sumaar neidaw wa sih u sarok wei u sarok Moolasngi cha Lelad toh du ini u sarok wa pynemkaam kiwa lai skur, kiwa khayi pateiñ, ki warep wei lada yoh ya u sarok wa biang daw yarap bha i ya ki paidbah.
Da dawa leh wow booh ya ka PHC hapoh ka Nongkhlieh Elaka kawa da dawa kiwa chong chnong da slem bha kamjooh leh ka Veterinary Dispensary neibhah 90% kiwa chong chnong toh ki warep kiwa ri mrad neibhah ka sorkar da pynchlur ko wow ri mrad tangwa ym em laad won wow sumaar ya ki mrad manda kjut chitom ki.
Kamtæ da ong wa ini waroh daw yarap ko ya ka Elaka kawa jngai na ki thaw wa man sor wa em ki yung krehkaam ka sorkar.
Discussion about this post