Ka High Level Committee (HLC) hapoh i pynlai u Union Home Minister, u Amit Shah kam u Chairman, da mynjur ko wow pynlait chooh ya ka poisa yarap ka sorkar pyrdi hapoh ka National Disaster Response Fund (NDRF) cha ki 5 tylli ki jylla kiwa da chah ktah hei chlai um, i oor khyndaw wa i joor slap neibynta u snem 2022.
U Amit Shah da ong u wa ini pynyoo ko yei rai ka sorkar pyrdi hapoh i yahkhmat u Prime Minister, Narendra Modi wow yarap ya ki paidbah kini ki 5 jylla kiwa da chah ktah ha ki bor rymaw.
Ka HLC da mynjur ko wow pynlait hadooh T. 1,816.162 klur hapoh ka NDRF wei kani ka bhah poisa man ko kamni ha wah:
T. 520.466 klur cha ka Assam
T. 239.31 klur cha ka Himachal Pradesh
T. 941.04 klur cha ka Karnataka
T. 47.326 klur cha ka Meghalaya
T. 68.02 klur cha ka Nagaland
Kani ka poisa toh kawa da dep phah cha kini ki jylla wei neibynta u snem mang tangka 2022-23, ka sorkar pyrdi da dep ko wow pynlait T. 15,770.40 klur cha ki 25 tylli ki jylla cha ka SDRF yong ki wa T. 502.744 cha ki 4 tylli ki jylla naka NDRF.
Ka sorkar pyrdi da dep ko leh wow phah ya ki Inter-Ministerial Central Teams (IMCTs) cha kini ki jylla mar ya jia ini iwa sñiawsih khlem da yang ya ka dorkhat na ki.
