“Ka Mukroh em ko hapoh u pood ka Meghalaya,” da ong u Symbood Montri Rangbah ka jylla, u Prestone Tynsong hajrong i klam u Montri Rangbah ka Assam, u Himanta Biswa Sarma hapoh ka Assam Legislative Assembly ynne ka sngi.
U Sarma da e jubab u hapoh ka yung dorbar ka Assam deiwa ong wa ka Mukroh toh kawa em hapoh ka West Karbi Anglong District ka Assam.
U Prestone da ong u wa da dep klam che wa ka Mukroh toh kawa em hapoh ka Meghalaya hadooh katni leh.
“Hei sñiaw O samen wa ym toh wow ong u ya kini ki kyntien wei ym tip yei daw wa da klam u kamni hawa i katni dang em i hei bynta wow pynbait pood ya ka bynta wa ar,” da ong u Prestone.
Hawa kylli mynnu u sdang i yaklam neibynta u pood yong ka bynta wa ar, u Prestone da ong u wa daw sdang noh ym slem de wei ka sorkar dang yaleh ko wow pynkhreh yeiwa emkaam.
Da ong u leh wa da dep wow klam che cha kiwa chong chnong ka jylla wa daw sdang noh yei yaklam pynbait pood wei u leh hi yeini ym slem de katkam wa toh u leh.
