U Rajesh Bhushan, Union Health Secretary da chongknor u ya ka yalang High-Level Meeting ynne ka sngi yow booddien yei long i man ka khlam COVID-19 ha ki 10 tylli ki jylla kitæ ka Kerala, Maharashtra, Karnataka, Tamil Nadu, Odisha, Assam, Mizoram, Meghalaya, Andhra Pradesh wa Manipur neidaw wa pteiñ i ku kiwa dang yoh ya u khñiang khlam.
Ha kani ka yalang da emlang leh u Dr. Balram Bhargava, DG ICMR wa Secretary (DHR). Ki Principal Secretary (Health), Mission Director (NHM), ki State Surveillance Officer kini ki jylla.
Neiliang u Union Secretary ka Health and Family Welfare da ong u wa da emkaam wow bood ya kini ha wah:
- Waroh ki District wa em ya ka Positivity Rate wa palat 10% ha ki tayaw wa da lai, daw hap ki wow pyrkhat wow pynrkhiñ ya ki kyndon heiyatoh wa i lai i wan ki bru, i em yalang ki bru chiboon ngut kamjooh i yakhleh ki bru yow ye u khang yei poor ka khlam deiwa ban joor wa i leh stiñ ha ini i por daw wanrah ko yei sih chooh chooh i long i man ha kini ki District.
- Da chem leh wa palat 80% kiwa chah ktah ha kini ki jylla toh kiwa chongkset ya idæ ha yung (Home Isolation). Kamtæ da emkaam wow paitbniah ya kini yow pyntikna wa ym em yakhleh ki wa kiwi.
- Kiwa leh ya ka Home Isolation toh u pait ya ki heitæ i rukom wa lada em kiwa emkaam wow rah Hospital toh u suk bha wow leh ya ini.
- Ki jylla toh u pynlut por ki leh wow pait ya ki District wa em ya ka Positivity Rate hapoh 10%, yow ye u yada ya kini ki District deiwa pyntikna wa yoh tika ha kini ki District.
- Ha kini ki ar bnai wa da lai, ka sorkar India da e yarap ko cha ki jylla da ki Oxygen Concentrators, Oxygen Cylinders wa ki PSA Plant. Najrong kini, ki jylla leh dei bor yong ki da sdang ki ya ki PSA Plant ha ki Hospital sorkar. Heiwa da em leh ki jylla wa da phah ya ki thaw sumaar ki bru samen wow booh ya ki PSA Plant.
U DG, ICMR da ong u wa ym toh wow lehstiñ khamtam ha kini ki por wa da neh kamwa 40,000 ngut kiwa dang ha kini ki tayaw wa da lai. Deiwa kdaw wa em 46 tylli ki District kiwa em palat 10% ka Positivity Rate katwa 53 tylli ki District toh kiwa em ya ka Positivity Rate hapyrdi 5%-10%, kamtæ da kyntu ya ki jylla wow pynjoor yei leh Test, u pynjoor leh yei e tika ya kiwa 60 snem chaneiñ wa kiwa 45-60 snem neibhah da chem wa 80% na kiwa yap toh kiwa em ha kini ki rta. Heiyatoh wa i lai i wan ki bru, da phah wa ki jylla wow khang ki yei lai i wan wa khlemkaam kamjooh ym toh wow pynman ya ki yalang wa boon bru.
