Shillong: Ka sorkar ynne ka sngi da rai ko wa ki Contractor, ki thaw krehkam kiwa em ha ka jylla kiwa emkaam yaki bru wa pliah ha ki kaam, toh u pynbna paidbah chwa yaki jait kaam khnang yow ye u thap chwa yaki khynroo khyllood kiwa man ki tre jylla.
Hawa klam ynne ka sngi, u Prestone Tynsong uwa man leh u Symbood Montri Rangbah ka jylla, da ong u wa kitu ki thaw krehkaam næ ki Contractor kiwa ong wa ym pu em ki bru na kani ka jylla wa ye u kreh yaki kaam wa kwah ki, toh u pyntip cha ka Directorate of Employment yaki jait kaam wa kwah ki khnang wa ka chnat Labour u ye ko u pynpliah wow e sikai yaki khynroo khyllood wa em hapoh ka jylla dei wym hap su.
Da ong wa ini i rai yong ka sorkar toh hadien wa da yoo ki wa em kamwa 15000 ngut ki khynroo khyllood kiwa kreh ki kaam waphær waphær cha kiwi ki jylla.
Kam wow pynkynmoo wa em i pyrchah wa joor naki seiñbhalang kiwa em haka jylla hadien wa ka sorkar da pynbna ko wow e laad yaki wakreh na baar jylla wow wan kreh yaki kaam wa ki tre jylla ym pu ye ki wow leh.
Discussion about this post