Ka ri USA da pynmih kyndon ko ya kiwa chong chnong ko wym toh u lai cha ki kattu katni ki thaw wa em ha India neidaw wa man ki kiwa maa wa ye u jia iyi iyi ya kiwa lai cha kini ki thaw.
Da ong ko wa ha India ki kaam pyrchah aiñ wa ki kaam Terrorist toh kiwa da ku bha ha ki kattu kani ki thaw kam ha Jammu & Kashmir wa kiwa boon ki thaw khappood ka India waka Pakistan neitæ ka Manipur wa kiwi de ki thaw wa em ha thaaiñ mihsngi.
Da ong leh wa ki kaam slaitbor, ki yachoh yadat, ki kaam pynmynsoo toh kiwa da jia bha ha ki thaw uiñke suwari ka India wei ki Terrorist ye ki wow wan ha iwon iwon i por wei da jied ki leh wow tba ya kiwa uiñke suwari, ki thaw chim kari, ki yaaw ki haat wa ki yung krehkaam sorkar.
Chooh chooh da ong wa ki bor sorkar ka USA duna i bor ki wow yarap khamtam ya kitu kiwa lai cha ki thaw wa em cha kdong cha chmiang ka India nadooh ki bynta sepsngi ka Maharashtra wa ki bynta wa em cha khlieh ka Telangana kamjooh ki bynta sepsngi ka West Bengal.
Ya ka Manipur da booh ka kam ka Level 4 i maa iwa mut wym toh tang u lai leh neidaw wa em i ya kynaad kattæ.
Da phah leh ya kiwa kreh ka sorkar USA wow paan bor chwa ki chwa wow lai cha kiwa boon ka jylla kam ka Bihar, Jharkhand, Chhattisgarh, West Bengal, Meghalaya wa Odisha tangwa ym emkaam wow paan bor lada lai du cha ki nongbah kini ki jylla.
Ya kiwi ki jylla ka North East da booh ki ha ka Level 3 iwa mut wow pyrkhat chwa chwa u lai cha Assam, Nagaland, Arunachal Pradesh, Mizoram, Sikkim wa Tripura wei lada lai kiwa kreh sorkar cha kini ki thaw, hap ki wow paan bor chwa lada lai ki cha baar ki nongbah kini ki jylla.
Discussion about this post