I psiah i mih ki nong Bangladesh chapoh India man i i kaam wa sñiawkhia bha khamtam hadien wa mih i Video u YouTuber na Bangladesh iwa da pynyoo u kammon wa ye u psiah chapoh India khlem ki kot ki sla.
Uni u YouTuber na Bangladesh uwa pynlai ya u Channel DH Travelling Info da pynyoo u kammon wow psiah chapoh India na Bangladesh khlem Passport wa Visa ha i Video wa jrong 21 minit.
Ini i Video sdang i na iwi i chnong ha Bangladesh, i Jumgaw Garo, ha Sylhet, heiwa uni u YouTuber da kam u wa ye u psiah cha Cherrapunji ka jylla Meghalaya.
Hadien kamwa 7 minit i Video da poi u ha khappood wa em ka Signboard wa ong wa da kut u pood ka Bangladesh wei da khang wow kaap cha chiliang u pood.
Hanla em i maham, ym em naar-chieh wow kær ya u pood ha ini i thaw.
Chooh chooh ini i Video pynyoo i leh ya ki kattu katni ki thaw wa kær naar-chieh tangwa da em da ki Hume Pipe napoh wa ye u psiah chapoh India deiwa suk neitæ won da pynyoo yei yaklam wa uwi u bru ha ka lieñ deiwa thoh ya ki dak “Meghalaya/India” ha ka Screen.
Hanlada uni u YouTuber ym em psiah u cha India, tangwa da kyntu u ya ki paidbah wymtoh u kaap chiliang khlem ka Passport næ Visa neibhah wa ye u mih i maa neini.
Ha iwi tawon i Video lyngba ki Social Media wa u X (Twitter) da pynyoo ya ku Blogger na Bangladeshi u Boni Amin heiwa da pynyoo ya ki nong Bangladesh kiwa lai cha nongbah Delhi wow pyndap ya ka Visa cha Europe.
Hadien wa chah kyntait ka Visa ki, kini ki bru sdang ki wow dai biryani ha Paharganj.
Ya kini ki Video ye phi wow pait heini ha wah:
Discussion about this post