Ka DC ka East Khasi Hills da pyntip ko wa da em i khrong poisa pyrchah aiñ ha ka Hima Nongspung Check Gate wa da pynyieñ ha u sarok Sohiong-Pariong wa em ha chnong Mawjongka, EKH.
Neiliang ka DC da ong ko wa ka sorkar Meghalaya ym chah ko wow em kiwon kiwon ki thaw khrong dan khrong poisa deiwa booh da ki Toll/Check Gate wei deiwa em kini da pynthut ko leh yei lai i wan ki kari iwa ye leh wow wanrah chei ya tyrrah kari.
Da kdaw leh wa ka sorkar da pynbna ko lyngba ka No. DCA.103/2016/Pt/260, Dated 23rd January 2023 wa ki Check Gates/ Toll Gates wa em ha ki National Highways, State Highways wa ki Major District Roads ym ye ki wow krehkaam khlem da yoh bor na ka Ministry of Road Transport and Highways deilang ka sorkar jylla.
Deiwa pyrkhat leh wa yow khanglaad yei liat ka dan ka sorar, da khang wow khrong poisa khlem da yoh bor ha ki Check Gate/Toll Gate kamjooh kiwon kiwon ki rukom khrong kiwa khlem da yoh bor ha ki National Highway, State Highway wa ki Major District Road ka East Khasi Hills.
Hajrong ini waroh da pynmih hukum hapoh ka Section 163 BNSS yow khang yei khrong dan ha waroh ki Toll/Check Gate wa em hapoh ka East Khasi Hills kiwa da leh khlem da yoh bor.
Discussion about this post