Phah ki MDC ka East Jaiñtia ya ki karkhana Coke wow pynkhooid ya ka la’ær wa mih | Daw pynchitom ya ki wym leh

Ki MDC ka JHADC na East Jaiñtia Hills ha ka yalang wa da pynman ynnin ka sngi ha East Side Inn, da kyntu ki ya ki tre karkhana Coke wow khoom u kdoh ki yei pynmih tdem deiwa pynemkaam ya ki kor kam ki Filter wei wow thung dieñ ha talawiar ki karkhana. 

Ki MDC kynthup ki ya uwa na Sutnga Nongkhlieh Constituency uwa man leh u EM In-charge ka Forest ha Jaiñtia Hills Autonomous District Council, u Hambertus Nongtdu, u MDC ka Tuber-Wapungshnong Constituency, u Lasky Rymbai uwa man leh u Deputy CEM-JHADC, ka MDC ka Rymbai-Khliehriat ka Violet Lyngdoh, u MDC ka Musniang Rangad, u Waidameshwa Siangshai, u MDC ka Sumer Constituency, u Krison Langstang, u MDC na Saipung, u William Theite wa u MDC ka Sutnga u Seibor Shadap, heiwa da emlang u President ka East Jaiñtia Hills Coke Manufacturing Association, u D. Swer wa u Secretary, u V. Nongtdu, ki tre ki karkhana Coke deilang u Range Forest Officer ka JHADC, u R. Syngkrem wa kiwi.

Kam wow kdaw heini, ka East Jaiñtia Hills District em ko kamwa 20 tylli ki karkhana Coke.

U Hambertus Nongtdu da ong u wa kam ki MDC da yoo ki wa ki karkhana Coke em ki hajan ki chnong wa sah ki bru wei da sñiawkhia ki ya ka la’ær wa sma kawa beh na kini ki karkhana, kamtæ da kyntu ya ki tre karkhana wow pyrkhat ki yeini wa chem chitom ki paidbah.

Related posts

Deiwa brait da u sumrit dung ha kiwa kreh lute uwi ya ka chnat ka SBI

September 11, 2026

Kam cha phlim, e kti uwi ya ka kurim cha uwa maya ko

September 11, 2026

Ha ka yalang, ki MDC da phah ki ya ki tre ki karkhana wow bood ya ki kyndon wa da booh da ka Meghalaya State Pollution Control Board nadooh wow booh ki Filter wa kiwi de yow pyndooh yei mih ka la’ær wa sih.

Da pyntip leh wa lada ki tre karkhana Coke ym bood ki yeiwa da phah wei hukum, neiliang ka chnat ka JHADC daw pait ko wow leh deiwa eh wei ki MDC leh daw hiar lai pait ki yeini waroh.