Phah kyrriah ka High Court ya u SP ka East Jaiñtia Hills

Ka mukotduma heiyatoh wa i tih mooyong pyrchah ya ka aiñ wa da leh da ka High Court ka Meghalaya hi da chong bichaar biang ka ha ka 19 tarik heiwa da yoh pdiang leh yaka 19^th Interim Report wa da pynkhreh da u Justice Katakey.

Ha kani ka Report da khana yei booddien ya u mooyong wa da chem hadien ka Don Bosco College Byndihati heiwa u DC da ong u wa uni u mooyong toh uwa da dep wow chim yukheiñ chwa tangwa i thaw wa da pynyoo u DC wa i thaw wa chem ya uni u mooyong ymtoh i jooh heiwa ym em pdiang yeini wa pynche u DC da u Justice Katakey.

Sa kiwi wym ye u batai toh ya u mooyong wa chem ha rood u sarokbah wei da pyntip leh da em ka Case wa da Register haka 08-11-23 heiyatoh wa u mooyong wa chem hadien ka Don Bosco College.

Heiyatoh wa u SP ka East Jaiñtia Hills District, ka yung bichaar da ong ko wa da em u hapoh ka District nadooh u snem 2021 wei toh u tip u yeini waroh wei ini pynyoo leh wa oo kam u SP ym ye u wow leh yei kaam yong oo wei deiwa pait yaka 19^th Interim Report da yoo wym leh u yei kaamram yong oo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka yung bichaar da ong ko wa toh u kyrriah noh oo chisiendon napoh ka District wei da phah yaka Home Department wa u Director General of Police wow leh yeini khlem pynslem.

Heiyatoh wa u DC da maham ya oo wow leh u yeiwa emkaam yow pyntikna wa waroh ki hukum ka High Court da burom ya ki.