Hadien wa da chem chitom kiwa lai luti kiwa da sahkut nadooh ynnin hadooh ynne i miet neidaw wa oor khyndaw iwa da khang ya u sarokbah NH-06 ha ki bynta ka Ratacherra-Sonapur heiwa kiwa da ye wow ieh ya ki kari da hap ki wow lai kjat najrong i ktieh waka um yow lait neini.
Kiwa dang sahkut won ym yoh baam yoh um ki khamtam kiwa yah kari, wei yeini da pyntip leh cha u DC ka East Jaiñtia Hills uwa da phah ya u Lalan Singh Amse uwa man kam u Wholesaler ka sorkar yow lai e baam e um ya kini ki bru wa sahkut cha luti.
Da pyntip u leh wa da phah ya ka NHAI wow yarap e baam e um ya kini ki bru wa da hap maad yei chitom.
I pynkhooid ya i ktieh, i khyndaw, ki moo, ki dieñ wa pat wa oor dang pteiñ i hadooh kattæ leh.
Puræ leh: Chah ktah kiwa lai wa wan ha thaaiñ Ratacherra nei joor i oor khyndaw
