theme-sticky-logo-alt
theme-logo-alt

Chah ktah kiwa lai wa wan ha thaaiñ Ratacherra nei joor i oor khyndaw

I pteiñ i joor u slap da ktah bha ko ya kiwa lai wa wan khamtam ha ka thaaiñ Ratacherra, EJH heiwa i oor khyndaw, i pat ki dieñ da khang lut ki ya u sarokbah NH-06 nadooh ynnin hadooh ynne hanla da yaleh wow pynkhooid yei ktieh wa i khyndaw wei wow kyrriah ya ki moo ki dieñ.

Kiwa lai luti wa wan na Silchar toh kiwa da sahkut ha chiteiñ luti kiwa da em da hajar ngut wei ym yoh baam, yoh paikhana ki wei da hap ki wow ieh ya ki kari wei lai dei kjat najrong i ktieh wa ka um 5 Km yow lait na ini.

I oor khyndaw da jia i leh ha ki bynta ka Kuliang, Dona wa kiwi de ki bynta uni u sarokbah wei ka Wah Lukha leh toh kawa da chlai hadooh wa da dap um ka madanbol ka Sonapyrdi.

Yei kreh wow pynkhooid da leh da ka NHAI deiwa wan yarap ki pulit.

Share this:
Previous

Daw pteiñ u slap sa 4-5 sngi ha Meghalaya: IMD

Next

Sahkut kari da ki kynta wa oor khyndaw ha u sarok Jowai-Amlarem