U Symbood Montri Rangbah ka jylla, u Sniawbhalang Dhar, ynne lyngba ki muktiar u da phah u da ka Legal Notice cha u Vincent H Pala hajrong i pynbaad u hawa yaklam wa kiwa thoh khubor wa u Sniawbhalang Dhar toh u Spokesperson ka RSS wa BJP wei emkti u ha ki kaam pyrchah aiñ nadooh u mooyong hadooh i drugs wei da em leh ka File ka CBI pyrchah ya oo wei da tip u yeini neidaw wa heipor wa dang man MP u, da jooh wan kylli ki na oo wei kani ka File em ko ha ka miej ka CBI.
Ha kani ka Legal Notice da ong wa waroh ini wa da pynbaad da ktah ko yei pyrtuid u Sniawbhalang kam uwa mihkhmat paidbah hadooh i burom u hakhmat ki paidbah.
Kamtæ da dawa na u Vincent H Pala wow paan maap u deiwa thoh da ka chithi deiwa phah pynmih ha ki kot khubor deiwa kular leh wym leh de u ya kam kini ki jait pynbaad wei wow su leh Rs. 100 klur kam ka bai pyndooh burom.
Da e por wow leh yeini 7 sngi wei lada ym leh yeini daw lai cha ka yung bichaar hapoh ka Section 351 wa 356 ka BNS, 2023.
Discussion about this post