U SP (Traffic), East Khasi Hills District da pyntip u wa neidaw wa da yoo wa em boon ki kari ar chaka wa ki kari soo chaka kiwa da pyndait Silencer da kiwa ood bha iwa da wanrah yei pynkhlot chkoor ya kiwa lai wai wan khamtam hei miet hei synyaaw heipor wa da thiah ki bru wei ini da man ko leh pyrchah ya ka kyndon aiñ Section 182(4)/190(2) ka Motor Vehicle Act, 1988.
Chooh chooh da ong wa kini ki kari kiwa pyndait ya kini ki Muffler/Silencer da sñiaw yei ood ki da ki spah meter i jngai iwa da wanrah yei pynthut i thiah i dem ki khynnah khamtam kiwa dang khian rta kiwa emkaam wow thiah dei suk.
Kamtæ neiliang ka Shillong Traffic Police da kyntu ko ya kini ki tre kari wow kylliang noh ya kini ki Silencer deiwa pyndait biang da kiwa em chwa kiwa da booh da ka Company wa chna ya ka kari.
Kiwa leh pyrchah daw pynchitom ya ki katkam ka aiñ.
