Shillong: Ka Meghalaya Human Rights Commission (MHRC), Shillong wa man Chairperson da u Justice T. Vaiphei da chimkhia ko yei mih khubor wa ki Dorbar Chnong ym em yoh yarap ki naka sorkar kiwa em yaki thaw leh Quarantine kiwa pynlai daki chnong hi. Kamtæ ka MHRC u leh ko daka Suo Motu namo wow chimkti hi ko yaka kani ka kaam.
Ka Commission da ong ko wa i duna yoh yarap ki Community Quarantine Centre daw yah ko chei poor u khñiang COVID-19 iwa daw booh hei maa yaki Volunteer kamjooh ya kiwa chong chnong kiwa pait ya kiwa leh Quarantine.
Chooh chooh da ong wa i hok wow im namo ka Right to Life man ko i hok manbru wa da e hapoh ka Article 21 ka Constitution wei emkaam yaka sorkar jylla wow leh ko yeiwa emkaam heiyatoh waki Community Quarantine Centre yow pyntikna wa u COVID-19 ym poor u hapoh ka chnong ka thaw.
Kamtæ da phah Notice cha u Chief Secretary ka Meghalaya yow phah takit ya kani ka kaam da u wym duna yei kyrdan Commissioner & Secretary ka sorkar Meghalaya wei wow phah yaka bui (Report) cha ka State Commission hapoh 30 sngi nadooh wa yoh yaka Notice.