Jowai: Ha kani ka 27 tarik wa dadep u DC ka West Jaiñtia u R. Rapthap da phah pyllang u ya waroh ki tin noh-jhep wa booh ka NPP kiwa em kamwa 30 tylli kiwa wah ha rood sarok Syntu Ksiar.
U DC da pyntip u wa em wa chondur ya kini ki tin wei da phah ki cha u Chief Election Officer (CEO) ka jylla u FR Kharkongor uwa da phah kylla won ya u DC wow sylli u ya ini i kaam wa ye u man wa tyngkheiñ ya ka Model Code of Conduct kawa da krehkaam hapoh ka jylla kawa da khanglaad ya ki seiñ saiñhima sima kamjooh leh ya ki kyrtong wow biah poster, u saam kot lakdop wa kiwi kiwi kiwa yatoh wa ka Party kamjooh leh ya ki kyrtong khlem da yoh bor.
Chooh chooh u DC da ong wa da kylli ki na ka Dorbar Chnong Panaliar katwa kani ka thaw dang em ko hapoh u pood u ang yong ka wei neiliang yong ki leh ym em ye ki u e ya i jubab wa che wa nadooh ynnu da booh ya kini ki tin wei neiwon yoh bor ki.
Kamtæ u DC da phah u ya ki Flying Squad wow pyllang ya kini ki tin wei da pyntip u wa hanlada man ki tin noh-jhep tang em i pyrtuid ka NPP man hi ko kamwa tyngkheiñ ya ka Model Code of Conduct.
Hei jooh leh da pyntip u wa neiliang ka NPP ym em wa wan cha khmat hei yatoh wa ini wei heijooh i por ki tre kini ki tin ye ki u wan cha khmat wow kam ya ki.
Also Read: Hiar pynkhooid ka Jowai Block ka NPP ya ka Syntu Ksiar
Discussion about this post