U Returning Officer (RO) ka 18-West Shillong Constituency da thoh u cha u General Secretary ka United Democratic Party (UDP) hajrong i mih khubor wa em i saam tiar sñiawbha hapoh kani ka Constituency iwa man pyrchah ya ka Model Code of Conduct.
Ini toh hadien wa em kawi ka manbei kawa da lai pynuiñ ya ki kchu chet kam u Pressure, ki Bowl wa kiwi de kiwa da poi ha yung ko heipor wa ka ym em ko wei da pynbaad ko wa toh wa kini ki tiar man ki kiwa da phah da ki kyrtong yaleh Election.
Kani kawa chong chnong ka Lumdiengjri da lai pynuiñ ko ya kini ki tiar kiwa da ong ko toh kiwa poi na u kyrtong ka NPP u Mohendro Rapsang wa u kyrtong ka UDP u Paul Lyngdoh neibhah kini ki tiar wan lang ki wa ki Calendar heiwa da pynyoo ko leh ya ka yong u kyrtong ka UDP wei kiwi won ki tiar kiwa wan saam da ong ki wa wan ki na u kyrtong ka NPP.
Kamtæ u RO da phah wan u wow pynche ya ini waroh hapoh 4:00 waje ka 4 tarik uni u bnai.
