Hadien wa pynsangeh ka chnong Thangrain deilang waka KSU Thangrain Unit yei chna ya u sarok Nartiang Jonglwit Barato uwa lai lyngba ka chnong neidaw wa kreh khalær u Contractor wow siang moo siang khyndaw ya u sarok heiwa du deiwa kynjet leh da pra wot.
Kamtæ ynnin ka sngi ka 17 tarik da wan pait ya uni u sarok da ki sahep ka chnat PWD wa kynthup ya u EE, JE, SDO wa kiwi de yow yoo dei khmat yeini i rukom chna ya u sarok deiwa emlang kiwa yahkhmat ka chnong wa ki dkhot ka KSU wei da chem wa i rukom chna ya uni u sarok ym man i iwa biang.
Kamtæ neiliang yong u EE da phah u ya u Contractor wow pynkreh biang ya u sarok katkam wa da booh kyndon wow chna.
Uni u sarok toh uwa da em leh ki bynta uwa da dep siang psiang.
Neiliang ka chnong waka seiñ da e khublei ki hadooh kattæ kattæ ya u EE wa kiwi kiwa ya emlang ha kani ka sngi.
Puræ leh: Chi kynjet pra wot u sarok, pynsangeh ka KSU waka chnong Thangrain yei kreh
