Jowai: Ka HYC Ri-Bhoi da pyntip ko wa hadien wa dep e dorkhat ko cha ka DC ka Ri-Bhoi District ka RM Kurbah wow pynsñiaw yei pyrchah yei pynman ya ka Pool Party da ka seiñ wa tip kam ka Ultra Socialites ha La Nicholas Dei Da Kine Resort wa em ha chnong Umbir, Ri-Bhoi na ki daw wa khut ya ki kynthai wow wan deiwa riam da ki Bikini wa ya ki chynrang da ki patlun tbian wei daw em ka baam ka dih iwa daw ktah ya ka akor ka burom ka jaitbru.
Kamtæ ka DC da thoh ko cha kani ka thaw wa thmu wow pynman ya kani ka Pool Party kamjooh cha kiwa pynman wa ym chah wow pynman ya kam kani ka Tamasa kawa mut wow pynman haka 11 tarik uni u bnai.
Ka KSU leh da pynsñiaw ko yei pyrchah ya kani ka tamasa Pool Party wei da dep yachem ko wa kiwa pynman ya ka yow phah pyndam ya ka.
Discussion about this post