Phah pyndam ka manbei yei pyrtuid ko wa pyrchah ya u WC ka Ummulong

Jowai: Kawi ka manbei na Ummulong kawa tip kam ka Restily Lamare da pyntip ko wa da chah phah soi pyrtuid yabor ko ha ka Yooris Lamare.

Ka Restily da ong ko wa ka Yooris da wan ko ha yung yong ka wei da phah soi kulmar ko ya ka kot kawa ka ym tip ko iyi iyi leh wei man ko leh kawa da tymmen kawa da he hi rta.

Da ong ko du hadien wa wan u khon ko da pynsñiawthooh u ya ka wa katu ka kot toh kawa pyrchah ya ka chnong kamtæ da kyrpaad noh ko wow pyndam noh ya i pyrtuid ko wei daw ujor ko leh hakhmat u DC wa u Dolloi hei yatoh wa ini waroh.

Kam wow pynkynmoo da em ki manbei manpa na Ummulong kiwa da lai ujor cha u Dolloi chirup wa i pyrtuid ki bru wa em kamwa 275 tam kiwa pyrchah ya u Waheh Chnong u SS Langi.