15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Lai yachem ka HANM-KC ya u Labour Inspector ka EJH hei yatoh wa dooh khih ki tre jylla

0 Comments
Advertisement ad1

Jowai: Ka Hynniewtrep Achik National Movement-Khliehriat Circle (HANM-KC) da lai yachem ko wa u W. Phawa uwa man kam u Labour Inspector ka East Jaiñtia Hills.

Ya ka seiñ da yahkhmat da u President yong ka u Shnalad Rymbai, u Secretary u P. Lyngdoh hei emlang leh ki dkhot ka seiñ.

Ha kani ka yachem, ka seiñ da pynsñiaw ko ya i dooh kreh ki tre chnong tre thaw hanlada boon ki Company wa wan seiñ cha ka thaiñ East Jaiñtia tangwa da chem won wa kiwa kreh toh ki baar jylla wa boon ki wym biang ya ki Labour License.

Ini da pynman ko ya ka seiñ  wow lai ha khmat u Labour Inspector yow pynsñiaw yeini wa jia iwa ym em wa pait heiwa u President da ong u leh ya ki Contract kini ki Company da yoh bait da ki baar jylla katwa ya ki tre jylla won da chah kyntait bait ki.

Ini i leh ki baar jylla wow pynyoh kreh para ki da pynchlur ko ya ki wow hiar ki cha kani ka jylla neibhah ki da yoh kreh bait ki.

Kamtæ ka seiñ HANM Khliehriat Circle da kylli ko wa neiyi i daw wa ki tre jylla ym boon wa yoh khih yoh kreh ha kiwa boon ki kaam wa em.

Advertisement ad1

0 Comments

Leave a Reply