Ka seiñ wa tip kam ka East Jaiñtia Limestone Supplier Association (EJLSA) ynne hadien wa chem wa boon ki Truck Dumper toh kiwa kit palatpood ya u moochuni nadooh na Lumshnong chadooh Malidor, neiliang ka seiñ dei wym yohsa da phah pynhaap ko ya kini ki moo wa da kit palatpood.
Kini ki Truck kiwa boon toh kiwa wan na Assam yow lai kit ya u moochuni wa da tih na ki paar moochuni wa em ha Lumshnong hi yow lai pynhiar cha Assam.
Ka EJLSA chwa ini haka 18 tarik uni u bnai da dep ko wow lai ujor ha u Officer In-charge ka Lumshong Police Station deilang cha ka DMR, Umkiang wa cha ka Forest Check Gate Apha, Umkiang hajrong ini i kit moochuni wa palatpood.
Da e daw wa ha kiwa boon ki por ki moo na kini ki Truck da haap ki cha sarok wei da booh hei maa ya kiwa lai wa wan khamtam ki khynnah skur kamjooh ya ki kari wei ini i kit palat pood da pynsih ko leh ya u sarok heiwa ha ka ujor da ong wa lada ym leh iyi iyi neiliang ka seiñ daw leh hi ko wow kynreh ya kini ki Truck.
Ka seiñ da pyntip wa katkam ka Challan da chah wow kit 21 Ton tangwa waroh kini ki Truck da kit ki palat yeini wei u moo toh uwa da tam yei jrong ka Truck wei uwa suk u haap cha rood.
Kamtæ ynne da pynsangeh ya kini ki Truck wa da kit palatpood wei da phah pynhaap noh ya kiwa da kit tam ki.
Discussion about this post