Ka Madankynsaw Mowkyndeng da yoh ko yei naam jop ka 3rd Division kawa tip leh kam ka 3rd Adelbert Laloo Memorial Trophy 2023 wa pynman da ka West Jaiñtia District Sports Association (WJDSA).
Ka yakhun Final kawa da pyndep ynne toh kawa da pynman hapyrdi ka Madankynsaw Mowkyndeng SC waka Mukhla Umlangchor SC heiwa ka Madankynsaw da jop suk ko da 3-0.
Waroh le tylli ki kool toh kiwa da thap ha ka kylla miet da u Iomaiki Lamare haka minit wa 47 wa 52 wa u Cherishson Tyngkan haka minit wa 80+3.
Da ini i jop, ka Madankynsaw Mowkyndeng da yoh ko leh ya ka song poisa T. 20,000 wei da u ko cha ka 2nd Division deilang waka Mukhla Umlangchor kam kiwa poi Final.
U Ioomaiki Lamare naka Madankynsaw Mowkyndeng da yoh u leh yei naam Man of the Match.
Yei naam Top Scorer da yoh da u Precious Tang uwa yalehke ka Madan Thadmuthlong uwa da yoh u thap 14 tylli ki kool.
I naam Best Goalkeeper da yoh u Wandame Sayoo naka Madankynsaw Mowkyndeng katwa yei naam Player of the Tournament da yoh u Dangri Phawa naka Madankynsaw Mowkyndeng.
Ha kani ka sngi da emlang leh kiwa ha-yung u (L) Adelbert Laloo nadooh ki ksu wa ki khon.
Discussion about this post