Ki bor sorkar ka North Bengal da man ki kiwa husiar bha hadien wa chlai ka Tala Hydropower Dam, Bhutan neidaw wa joor u slap wei wa ye u wai du ar na ki soo tylli ki Gate ha kani ka Dam.
Ka National Centre for Hydrology and Meteorology (NCHM), Bhutan da pyntikna ko wa ka Druk Green Power Corporation (DGPC) da pyntip ko wa thut ki Gate ha kani ka Dam wei ym ye u wai ki waroh wei da sdang chalai ka um, kamtæ da kyntu ya ka sorkar West Bengal wow man kiwa da pynkhreh.
Neiliang ka National Disaster Response Force (NDRF) leh da phah ko ya ki chipai ha Alipurduar wow man kiwa da pynkhreh wei da phah liwan ya waroh kiwa lai chuti.
Ka NCHM da ong ko wa ka Flood Warning Group daw kreh ko chirup wa ka DGPC wow booddien thij pa thij yei man i long.
Ki bor District ha kylleiñ ka North Bengal da phah ya ki wow man kiwa da pynkhreh bha khamtam ki thaw wa man pynthor.
Da kyntu leh ya ki bor sorkar wow kreh chirup wa ki heh sorkar ka Bhutan thij khnang wow ye u pynkhreh ya iwon iwon khamtam i chlai um.
Discussion about this post