15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Phah pynman takit ka HANM-EJHD ya iwa khlaad ka khynnah ha i thaw tih moochuni ka Star Cement

0 Comments

Jowai: Kam i dak sñiawsih, ka HANM-EJHD da phah ko yaka khubor sñiawlem cha kiwa ha yung ha sem yong ka Redina Lamare kawa yap ngam um ha i thaw tih moochuni ka karkhana pynmih khyndaw-bilat yong ka Star Cement wa em ha Lumshnong wa u Blai u emlang u wa kani ka manyung kawa em hapyrdi i sñiawsih wow yoh ki yei kyrchaan ha kam kini ki por.

‌Kamtæ neiliang ka seiñ da dawa ko naka sorkar Meghalaya wow thung yaka takit wa laitlooid hajrong ini wa jia neidaw wa da suba joor wa ka Star Cement ym pu em biang ko ya ki kot ki sla kam ka Environmental Clearance naka Ministry of Environment wa kiwi de.

Ka seiñ da ong ko leh wa neidaw wa ym biang ya i rukom tih ya u moochuni katkam ka kyndon ka aiñ wow kær soodong yaka thaw tih moochuni wa da jia ini waroh.

Chooh chooh ka seiñ da ong ko leh wa lada ka sorkar ym chimkhia ko ya ini daw jia chooh chooh neini chakhmat neibhah wa waroh ki karkhana pynmih khyndaw-bilat wa em ha East Jaiñtia Hills daw tih moochuni ki katwa kwah ki wei ym bood ki yaka aiñ.

Ka seiñ da ong ko leh wa daw boodien yow chem ya iwa sakhiat ya ini wa jia yow pyntikna leh wa kini ki karkhana u bood ki ya ki kyndon ka aiñ hawa tih moochuni.

Ka seiñ da wan yachem ko leh wa u Superintendent of Police ka East Jaintia Hills District hajrong ini wa jia wei da kyntu ya oo wow chimkhia ya kani ka kaam da pyntip u Secretary yong ka seiñ u Shaniahlang Suchen.

Previous
Next

0 Comments

Leave a Reply