Ha ka mukotduma wa da yaleh da u Pynskhemlang Nongnrang pyrchah ya ka chnat Directorate of Soil & Water Conservation wa kiwi de da chong bichaar da ka Meghalaya High Court yei rukom thung ya kiwa yah kari ha kani ka chnat.
Da chem wa i rukom jied toh iwa da yabhah ha ki ar bynta iwa kheiñ yei pliah yah kari wa iwi won toh deiwa chim ya ka Interview. Ka sorkar da pyntip ko wa 50% ki Marks toh kiwa da kheiñ lyngba ka Practical Exam katwa 50% won toh iwa kheiñ na ka Interview.
Uwa yaleh mukotduma da yoh u 84 na ka 100 Marks katwa uwi won da yoh u 70 Marks na ka 100 katwa uwi won da yoh u 73 na ka 100 Marks ha ka Practical Exam.
Ha ka Interview won uwa yoh 73 Marks ha ka Practical da yoh u 87 Marks katwa uwa yaleh mukotduma da yoh u 60 Marks katwa ki Interview Marks uwa yoh 70 Marks ha ka Practical Exam ym ye ka sorkar u khana tangwa uni leh daw tam u 144 hi.
Kamtæ ka yung bichaar da ong ko wa hawa yatoh wa ini i kaam, u bru wa pliah u yah kari man u uwa rap bha u jied katkam wa da yoo ha ka Practical Exam wei hap u pait kammon uni uwa yaleh mukotduma uwa da tam ha ka Practical Exam ym em lehbha u ha ka Interview hadooh ym em poi u tang hei wa ar leh.
Kamtæ ka yung bichaar da phah ko ya ka sorkar wow wanrah ya ki kot ki sla wa paka (Original Records) wa yatoh wa i rukom jied ya kiwa kreh wa kynthup ya ki Marks wa da yoh ki heipor wa yaleh Interview.
Ya kani ka mukotduma daw chong bichaar biang ha ka 1 tarik u Naikhynde.
