theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Sñiawkhia u Renikton wa sdang sngad ki tyllong um

Ka Indian Chamber of Commerce ynnin ka sngi da pynman ko ya ka North East Water Conclave ha State Convention Centre, Shillong heiwa u Renikton Lyngdoh Tongkhar, PHE Minister da wan chimbynta u kam u kongsan.

U Renikton hawa e yei klam da ong u wa ka um toh kawa pynim yow bru wei klem ka um ym ye u im, wei i toh kiwa da kyrkhu wow yoh ya ka um dei mynkna tangwa da pynemkaam bakla deiwa pynlut phut. Kamtæ da kyntu u ya waroh wow pynlang ya ka um ha katwa em i laad wa yoh ki wei wow pynmyllien yeini yow sñiawthooh yei kordor ka um.

Advertisement ad1

Da ban joor u leh yei emkaam ya ka sorkar wow chim ya ki thaw wa mih ka um yow ye u yada ya kini ki thaw na ki kaam wa leh u bru wa ye u booh hei maa ya ka um wa mih.

Da ong u leh hanla ka jylla yoh ko chiboon u slap, tangwa ym ngam ko chapoh khyndaw wei da kai ko cha ki thaw wa em cha wah. Yeini da emkaam wow thooh bniah yow tip kammon u leh yow ye u ksoh ya ka um wa da yoh kyrkhu ka jylla.

U Montri da pynsñiaw u leh yei khuslai yei sdang sngad ki tyllong um wei na ini i daw ki Scheme sorkar da hap kyrriah na iwi i thaw cha iwi iwa da pynslem wei pynthut yei kreh ka sorkar iwa da ktah kylla ya ki paidbah.

Da klam u leh yei sdang sngad ki Check Dam, ki wah deiwa kyntu ya kiwa em ha kani ka sngi wow chimkhia yeini neibhah ini toh iwa emkaam bha wei wow ya krehlang yow pyntikna wow ye u pynbiat ya ini i kaam hei por wa biang.

Kiwi de kiwa klam ha kani ka sngi toh u Dr. S.C. Sadhu, Secretary Water Resource Department, Meghalaya, u Aankur Patni, Executive Director, Ion Exchange India Ltd, u Sourav Daspatnaik, Managing Director, Swachh Environment Private Limited wa kiwi kiwi de.

Hadien ka yalang pynwai, da pynbood sa ki Plenary Sessions heiwa da ya phyllu yillu hajrong ka phang: Upgradation of water & waste water infrastructure and Leakages in water conveyance lines and storage.

Advertisement ad1
Share this:
Previous

Kyrpaad ka JWAM wow pasi ya ki damok wa tynyap bru 

Next

Phah pynyoo ka HC kammon thung ya kiwa yah kari ha Soil & Water Conservation