15 49.0138 8.38624 1 0 4000 1 https://wyrta.com 300 0

Phah sangeh ka KSU-JHDU ya i pynpsiah pyrtuid Aadhaar ha SBI Jowai

0 Comments
Advertisement ad1

Jowai: Ynnin ka 28 tarik, hadien wa yoh yutip wa em ki baar jylla wa yang wow yaleh Aadhaar ha SBI Main Branch Jowai, kiwa kitkaam ka KSU Jaiñtia Hills District Unit hapoh i yahhmat u Albinus Lamurong (Genl. Secy.) wa u Leaning Tariang (Org. Secy.) da lai pait ki yeini wow chem wa man i iwa sakhiat.

Hadien ini kiwa kitkaam ka seiñ da yachem ko ya u Branch Manager wow phah sangeh noh yeini i pynpsiah pyrtuid Aadhaar wei neiliang u Manager da pyntip u wa ini toh katkam wa phah ka sorkar pyrdi.

Advertisement ad1

Hawa sylli ya kini ki baar jylla da chem wa da yoh kot ki na ki waheh chnong na East Jaiñtia Hills heiwa da chem wa na kini kiwa yang ym tikna wa lada man ki kiwa na Nepal namo na kiwi ki thaaiñ ka ri India wei ka seiñ da kyntu ko ya ki wow yaleh ki ya u Aadhaar na ki thaw wa wan ki.

Hadien wa da mih i yania kiwa kitkaam ka seiñ da beh noh ki ya ki na kani ka thaw deiwa kyntu ya ka Agency wow sangeh wow leh yeini i kaam.

Hadien ini kini kiwa kitkaam chirup wa u Ohibait Dkhar (President) da lai yachem ki ya u Deputy Commissioner ka West Jaiñtia wa ya u CEM Ka JHADC hajrong ini kamjooh leh i e Residential Certificate wot ya kiwa wym toh ki tre jylla.

Ini wa dep da em i thmu wow pynpsiah Aadhaar ya ki baar jylla wa kreh ha Star Cement yeiwa ka seiñ da phah sangeh ko wow leh yeini.

“Da chem i wa ki baar jylla næ ki bru na Nepal wa khih wa kreh ha kani ka thaaiñ ri-loom Jaiñtia yoh ki ya ki kot ki sla na ki chnong waphær waphær ka East Jaiñtia Hills kamjooh leh kiwa kreh karkhana ha ki thaaiñ Narpuh wei iwa phylla toh wa boon na kiwa thmu wow pynpsiah pyrtuid toh ki Nepali wei em kiwa da jooh yieñ ha yung krehkaam u DC ka East Jaiñtia heiwa da jooh pyndam wow pynpsiah Aadhaar”, da ong u Albinus Lamurong.

Ka seiñ da ong ko wa ya kini ki baar jylla toh u leh ki ya u Aadhaar na i chnong wa wan ki, wei da beiñ ko leh ya ki waheh chnong kiwa e kot e sla ya ki deiwa dawa na ka  District Council wow pynmiat pynbha chooh chooh ko ya ki bynta wa yatoh wa ini i kaam.

Advertisement ad1

0 Comments

Leave a Reply