Phah sangeh u DC yei chna sarok kat wym pu ye u khang yei tooid khyndaw cha ka Wah Myntdu

Hadien wa ood ki paidbah yei jngut ka Wah Myntdu ha kini ki sngi wa dadep, neiliang u DC ka West Jaiñtia Hills ynne da ong u wa ini i jngut ka um da ktah i yei rukom saam um-dih ha sor Jowai.

Da ong u wa i daw wa jngut ka um toh nei khloh khyndaw khloh chyiap pyrchah aiñ na ka Wah Myntdu kamjooh i chna sarok da ka PWD Roads, Jowai Central Division.

Chooh chooh da ong u leh wa i pynhaap khyndaw wa kiwi de ki tiar ki taar da ktah ko leh ya ki tyllong um wa kai cha ka Wah Myntdu.

Kamtæ da pynkrehkaam noh ya ka Section 144 Cr.PC deiwa phah ya ka PWD wa u Contractor wow sangeh i kreh ya uni u sarok kat hadooh wa em ki laad wow lait i khyndaw u tooid cha kani ka wah wei wa ka PWD leh u pynkhooid ko ya kani ka wah yow jngiar biang ko.

Da khang leh wow khloh moo khloh chyiap na kani ka wah wa na rood yong ka, da khang leh u sait that wa ki kari kamjooh u noh ya i khyndaw wei jhep hajan ka wah.

Related posts

Paan maap uwa maham pynyap ya u Paduh

November 13, 2026

Rs. 500 ka kuna ya ki wym wan chei pynykhooid ya ka Iawpynsiñ

November 13, 2026

Chooh chooh da khang leh u noh ya ki jhep wa kynthup ya ki yusleiñ khonboo (Diapers) wa ki Sanitary Pads cha kani ka wah.

Ynne u janmiet u EAC ka West Jaiñtia Hills, u S. Phanbuh, chirup ki sahep na ka PWD wa ki pulit da hiar ki cha Wah Myntdu wow pyntip wa da pynkrehkaam ya kani ka hukum.