Ka Meghalaya High Court da phah ko ya ka sorkar wow takit yeiyatoh hapyrdi kiwa dai wei thied ya u mooyong kam chibynta yong ka takit ka Judicial Enquiry Commission.
Ini wan i hadien iwa jia ha Mynsngat-Thangskoo ka East Jaiñtia Hills District, heiwa da yap 33 ngut ki bru.
Ka yung bichaar da ong ko wa ym em wow tih mooyong tooh lada ym em i dawa ya u mooyong iwa pynman yei tih mooyong iwa yoh lap bha.
Heiyatoh wa ka Special Investigation Team (SIT) ka Court da sñiawhun ko yeiwa jubab u Advocate General ka sorkar wa daw embynta ki sahep sorkar ha ka takit wow kynthup ya u Deputy Inspector General.
Chooh chooh ka High Court da sñiawskem ko yei pait i sylli ki bor District kamjooh ka Directorate of Mining wa ki pulit pyrchah yei tih mooyong tooh khnang wow lait biang u jia kamwa man ha Thangskoo.
U Advocate General da kular u wa ka sorkar daw chimkhia ko yeini waroh, wei ya ka mukotduma daw bichaar biang ha ka 05-03-26.
Discussion about this post