Ka 8-Shnong Aquatic Life Environment Protection Council, East Jaiñtia Hills District da e ko yei kyrchaan wa pura yei phah takit u Deputy Commissioner ka District ha u Superintendent of Fisheries Department, Khliehriat hajrong i yap ki doh um wa em ha wah Prang iwa da jia neipor cheipor man-u-snem mar ya poi i por lyiur.
Ini ini i phah takit u Deputy Commissioner toh hadien wa da ujor u khynroo Andrias Talang uwa lai puræ Law ha NEHU, Shillong hadien wa chem yei yap ki doh um ha kani ka wah kawa boon ki chnong nadooh ka Lama, Borghat, Hingaria wa kiwi de ki chnong wa em ha thaaiñ khappood im ja ki deiwa khwe na kani ka wah.
I yap kini ki doh um ye u man nei bih iwa ye u ktah ya kiwa pynemkaam ya kani ka um kamjooh kiwa baam ya ki doh um na kani ka wah.
Kamtæ hajrong ini neiliang ka 8-Shnong Aquatic Life Environment Protection Council da e khublei wei kyrchaan ko ya u Andrias Talang uwa da chimkhia yeini ini i kaam kawa man leh i kitkhlieh ka JHADC wow yada wei pynneh pynsah ya ki um ki wah wei ini wa jia kamni da chem du ha East Jaiñtia Hills donhi.
Wei kamwa jooh jia man-u-snem ini da jia kut wa wan u slap wa nyngkong heipor lyiur, kamtæ neiliang ka JHADC da kyrpaad ko ya kiwa chong chnong kani ka thaaiñ wow sñiawbha u yaichah chipor katwa ka takit dang lai ko chakhmat dei wym toh leh wow khwe næ tong doh um yow lait u chah ktah i chait i khiah.
Discussion about this post