Jowai : Ka seiñ EJNC hadien wa yoh ujor ka seiñ na ki paidbah hajrong wa bakla yong ki ar tylli ki Bank kiwa em ha ka chnong Khliehriat EJHD kiwa kynthup ya ka Canara Bank wa ka United Bank of India wow thoh yei pyrtuid ka chnong Khliehriat deiwa thoh Khelerihat wa Khelarihat neiliang yong ka East Jaintia National Council (EJNC)-Central Council da lai wow pyndooh noh yeini i bakla kini ki ar tylli ki bank.
Hapoh i yahkhmat u President u Shanbok Syad, u S. Lyngdoh, General Secretary ka seiñ deilang wa i synran lang ki dkhot ka seiñ da lai ki u pyndam noh wut wut ya ini i bakla.
Kamjooh ka seiñ da phah chna ko ya ki signboard wa thymme ya waroh kini ki ar tylli ki bank. Wei da dawa leh na kini ki ar tylli ki bank wow pynbait ya ini i bakla hapoh chibnai neibhah ini i bakla man i iwa pyndooh burom ya ka chnong.
Da phah leh wow pynbait noh yei pyrtuid ka chnong ha ki kot ka sla leh wa pynemkaam kini ki bank. Ka EJNC da maham ko leh ya ki ophis, ki dukan wa kiwi ki wa office hapoh ka thaiñ Khliehriat wow pyntikna u thoh deiwa toh yei pytuid ka chnong Khliehriat.
Da ong ka seiñ wa lada chem ko wa kiwa leh bakla daw pynchitom yaki katkam ki kyndon yong ka seiñ.
Discussion about this post