Phah u DC ka West Jaiñtia wow taan ya ki kari wa pynyieñ khlem yoh bor ha rood ki NH wei wow tympra ya ki thaw baam wa kyntoor cha sarok

U DC ka West Jaiñtia Hills District da pyntip u wa ka Supreme Court ka India da pynmih hukum ko ha ka 13-04-26 yow khang ya waroh kiwa pynyieñ kari ha ki thaw wym em yoh bor, kiwa kyntoor wei kiwa chna dukan dukdoh wa kiwi de chapoh ki sarokbah (National Highway).

Ka Supreme Court da phah ko leh wa waroh ki kari wa khia wa kiwa kamai wa toh u pynyieñ ki ha ki thaw wa da booh wei ym chah wow chna ya ki dukan baam hadooh ki Dhaba, kamjooh ki dukan hapoh i bynta u sarok wa tip kam ka Right of Way (ROW) wei kiwa leh pyrchah hap wow tympra ki da ki bor sorkar.

Kamtæ u DC da phah u ya waroh ki kari wa khia, ki kari kamai, ki Truck, ki Trailer, ki Dumper, ki Bus wa kiwi de wym toh u booh ki ha rood ki National Highway lait noh ki thaw wa da booh deilang ki Lay-Bys.

Ki paidbah leh wym toh u chna pynheh ki ya ki dukan, ki Dhaba, ki thaw baam, ki karkhana, ki thaw pynchna kari ha ki bynta wa haap hapoh ka ROW ki National Highway khlem da yoh bor.

Related posts

Kiwa yoh takma ha ka National Games wa kiwi ki lympung waheh u yoh kreh sorkar ki: Wailadmiki

August 29, 2026

Pynngat ki pulit sa ha ki Case wa thymme ya kiwa yahkhmat ka KSU

August 29, 2026

Waroh kini kiwa leh pyrchah daw tympra ki deiwa phah ya u SP, ki bru ka PWD (NH), NHIDCL, ki Executive Magistrate wow lai pynman ki yei lai pait lai sylli (Inspection) dei langær yow kyrriah, u taan ya ki kari kiwa pynyieñ pyrchah aiñ wei wow pynchitom ya ki.