U Montri Rangbah ka jylla, u Conrad Sangma da pyntip u wa da yaklam u wa u Montri Rangbah ka Assam, u Himanta Biswa Sarma heiyatoh wa iwa jia ha ka 19 tarik uni u bnai ha Shillong heiwa kiwa chah ktah toh kiwa chong chnong wa kiwa lai luti na ki ar jylla.
U Conrad da ong u leh wa da mynjur ki wow ya krehlang heiwa daw yachem ki Montri sorkar ki ar jylla yow yaklam wei pyrkhat kammon u lai chakhmat yow wanrah yei suk i saaiñ wa i chaniah deiwa kyntu u leh ya kiwa chong chnong ki ar jylla wow man kiwa jai-jai wei wow ya krehlang.
Neiliang u Himanta da ong u wa da sñiawkhia u yeiwa chah ktah ki kari Assam ha iwa jia ha Shillong wei da phah u ya ka Minister for Border Protection, u Atul Bora wow ya krehlang wa ki heh sorkar ka Meghalaya yow wanrah biang yei suk i saaiñ hapyrdi ki ar jylla.
Da ong u wa ka Assam waka Meghalaya man ki kam ki chi payu kiwa em yei parom nadooh yong rim yong jah, hadooh ka dustur riti wei kiwa ya tipmit.
“Ha kam kini ki por da emkaam wow burom kylliang, u man kiwa yaichah, kiwa tip u pyrkhat deiwa miat wei u yaleh katwa ye yow pynneh yei suk i saaiñ, i yatoh lok iwa nadooh nachwa iwa da em hapyrdi ki bru ki ar jylla,” da ong u Himanta.
Discussion about this post