U Chief Minister ka Assam u Himanta Biswa Sarma da ong u wa kiwon kiwon kiwa yaroh ya ka Pakistan deiwa ong “Pakistan Zindabad” daw maad ki deiwa khor.
Da ong u wa heipor wa wan ki Terrorist ka Pakistan cha Kashmir, da chim ki yei mynsien ki 27 ngut ki bru, tangwa kattæ leh dang em ki bru wa thoh cha Facebook “Pakistan Zindabad” wei da kem ya 29 ngut kini kiwa thoh kamni ym du ha Facebook wei kamjooh cha kiwi ki thaw.
“Nga u tyngkheiñ O yei kjat ki deiwa tikna, kitu ki bru wa baam yei blooh ka Assam dep tæ yaroh ki ya ka Paskistan ym emkaam u em ki ha Assam, ym emkaam i ya kini waroh,” da ong u Himanta.
Hawa klam ha ka yalang paidbah ha ka yalap Election Panchayat ka Assam, da kylli u na ki paidbah wa lada ym toh u tyngkheiñ yei kjat kini ki bru wa pyrchah ri heiwa ki paidbah da kyriaw ki wow ya mynjur lang.
Kamtæ da ong u wa da phah ya ki pulit wow leh yeiwa emkaam katkam ka aiñ wow kem ya kiwon kiwon kiwa ong “Pakistan Zindabad” wei wow tyngkheiñ yei kjat ki.
Da ong u wa da kani ka rukom u pynkhlan ya ka India, ya ka Assam deiwa kyntu wow duwai neibynta u Modi wa ki chipai ka ri.
Discussion about this post