Toh u knieh ya ki 7 jylla ka NE India lada chah hiar thma ka Pakistan: ong u heh chipai ka Bangladesh

U heh chipai warim ka Bangladesh, u Major General Alm Fazlur Rahman, da ong u wa ka Bangladesh toh u lai chim wei lai kam chong namo wow Occupy ko ya ki ynñiaw tylli ki jylla ka thaaiñ North East ka ri India lada ka New Delhi hiar thma ko ya ka Pakistan kam ka tput yeiwa yap ki 26 ngut ha Pahalgam.

U Rahman toh uwa jooh khlieh ya ka Bangladesh Rifles ya kawa da tip kam ka Border Guard Bangladesh katni, wei man u uwa yajan bha wa u Chief Advisor ka Bangladesh, u Muhammad Yunus uwa da kyntu leh yei pynkhlan i yakreh wa ka China khnang wow pynman sakhiat ya ini i thmu.

“Lada ka India hiar thma ko ya ka Pakistan, ka Bangladesh leh toh u leh ko wow lai kam chnong noh ya ki ynñiaw jylla ka thaaiñ mihsngi ka India kamtæ emkaam bha u yaklam pynbait wa ka China hajrong ini,” da thoh u Rahman ha Facebook dei Bengali.

U Rahman katni man u kam u Chairperson ka National Independent Commission.

Ini i klam u wan i heipor wa i kynaad hapyrdi ka India wa ka Bangladesh dang ku bha i khamtam hadien wa ka Prime Minister warim, ka Sheikh Hasina da yut ko cha India wei ka India beiñ joor ko yei chah thombor ki khian paaid wa ki Hindu ha katai ka ri.

Related posts

Ym yoh u SP wa u DC wow embynta ha ka Committee wa takit ya ka Shree Cement | Pynsangeh ka KSU yei yakhih

August 26, 2026

Ym em dawa ka KSU wow pynlait ya ki dkhot wa chah kem

August 26, 2026

Chooh chooh i kynaad dang joor i khamtam hadien wa u Muhammad Yunus da klam pyrchah u ya ki ynñiaw jylla ka thaaiñ North East ka India heipor wa lai u cha China ha u Wisu (Mar) uni u snem.

U Muhammad Yunus da ong u wa ki ynñiaw tylli ki jylla ka North East wa tip kam ki Seven Sisters toh ki wym em luti cha duriaw (Land Locked) wei ka Bangladesh man ko kam kawa yada ya ka duriaw wei kani man ko ka laad ka kabu ya ka China heiyatoh wa ka khayi pateiñ.