Phah u SDO ya kiwa pynman yakhih ha Krangsuri wow kyrriah ki yow lait nei chah pynchitom

U SDO ka Amlarem Civil Sub-Division da phah Notice u cha kiwa chong pynman yakhih pyrchah ha Krangsuri wow mih noh ki na i thaw wa em ki wei ymtoh wow pynthut yei lai i wan kiwa uiñke suwari wa lai cha ka kchaaid.

Lada em kiwa leh pyrchah daw man ko pyrchah ya ka hukum ka High Court ka Meghalaya wei daw chah pynchitom ki.

Kam wow pynkynmoo wa ka High Court da phah ko wow pynlai noh ya ka Krangsuri da ki bor District deiwa e kti ha ka District Tourism Promotion Society (DTPS) heithaw ka Raij Buam kawa jooh pynlai ya kani ka thaw hadien wa wan ki Sumer, Surong wa Khyriem kiwa kwah wow pynlai noh da ki.

Katkam ka hukum ha High Court da phah ya ki bor District ka West Jaiñtia Hills wow phah Notice cha kini kiwa wan wow chong pyrchah ha kani ka thaw wei lada ym kyrriah ki, daw chim wa pyrchah ki ya ka hukum wei wow pynchitom ki.