U SP ka East Khasi Hills da pyntip u wa ki pulit ka District da yoo ki wa boon bha ki kari kiwa da pynemkaam da ki Black Films yow pynkylla rong yong ya ki yit kari iwa man pyrchah ya ka hukum ka Supreme Court kawa da pynmih ha u snem 2011 yow khang u leh yeini.
Ka Supreme Court da khang wow pynemkaam ya kiwon kiwon ki jait Black Films lada doom katwa doom ki leh ha ki yit kiwa nakhmat, nadien kamjooh kiwa na chrooh hadooh ki Side Glass ki kari.
U SP da pyntip u leh wa da em boon ki ujor wa da yoh na ki paidbah wa em leh ki kari kiwa da pyndait da ki Siren iwa man pyrchah ya ka aiñ.
Kamtæ da phah ya waroh kiwa pyndait ya kini ki Black Films wow khloh noh ki pyn da ki hi chisyndon yow lait ki u chah pynchitom katkam ka aiñ.
