U SP ka West Jaiñtia Hills District da pyntip u wa deiwa bood ya ka hukum wa da pynmih ha ka 16-01-2026 da ka yung bichaar u Special Judge (POCSO), Jowai, heiyatoh wa ka Special POCSO Case No. 08/2024, da hukum ya uwa chah pynbaad ha kani ka mukotduma, u Elias Shylla wow wan u dei bru hakhmat ka yung bichaar.
Da pyntip wa u Elias Shylla toh uwa 22 snem i rta uwa chong chnong ka Lumlakhiat wei da yut u da rap slem khlem da wan mih de hakhmat ka yung bichaar yow jubab yeiwa da chah pynbaad u.
Ka yung bichaar hapoh ka Section 82 Clause 2(3) ka CrPC, da pynmih ko ya kani ka hukum wow phah wan mih u Elias Shylla.
Lada em kiwa tip chaphang uni u bru ye ki wow lai pyntip wut-wut cha ka Women Police Station, West Jaiñtia Hills District næ cha kawon kawon ka Police Station wa jan dooh ki.
Discussion about this post